خمس طرق فعالة جدا للتخلص من ملل الدايت

-: خمس طرق فعالة للتخلص من ملل الدايت

 خمس طرق فعالة للتخلص من ملل الدايت الزهق والملل من الدايت مشكلة كبيرة  اغلبنا بيزهق ويمل من الدايت

وده اكبر اسباب عدم الاستمرار عند الاغلب  طيب ايه  علاج المشكله دي ؟ العلاج بسيط اعملى الحاجات الى فى المقال دة هتلاقى الحل  

اولا : لازم تقتنعى تماما ان مفيش اي ممنوعات في الدايت يعني ولا المانجه ممنوعه ولا الموز ممنوع ولا العنب ممنوع ولا البطاطا ممنوعه .... كل الاكل خضار فاكهه متاح🧀🥗🥘🥚

كل الاكل متاح بشرط انك تستخدم طريقه صحيه في طبخه . يعني مثلا عاوزة تاكلى بطاطس يبقي قدامك طرق كتير صحيه .

تسلقها او تعملها بطماطم او تشويها او تعملها في فرن ودجز الخ

واهم نقطه في الممنوعات انك لازم تعرفيها ان الدهون مش ممنوعه بس ليك كميه في اليوم حوالي ربع سعراتك يعني تقريبا من معلقتين ل4 معالق زيت يوميا تقدر تستخدميهم في طبخ اكلك علشان الاكل يطلع طعمه حلو ومقارب للاكل قبل الدايت

ثانيا : لازم يكون عندك نسبه مرونه في نظامك الغذائي يعني افضل ما تحرمى نفسك

من بعض الاكل الغير صحي زي شيكولاته من نوع معين بتحبها او شيبسي من ماركه معينه او عصير معين الخ

قدامك حلين يا تشوفى اقرب طريقه لعمل الصنف ده بطرق صحيه يحسسك بعدم الحرمان منه او الطريقه التانيه .

انك تستخدميه يوميا بس باقل كميه ممكنة

مثال : حد بيعشق النوتيلا ومش قادرة تبطلها ولا قادرة تلاقي بديل ليها ف بيعمل دايت

وبسبب حرمانه منها بيجي يوم او 2 بتفتح اكل بقي وتاكل منها كميات رهيبه

يبقي الافضل انه يستخدم يوميا معلقه صغيره منها علشان ميحسش ب الحرمان ويقدر يستمر في نظامه غذائي .

-:. ثالثا : لازم تربط الموضع بصحتك مش بوزنك 

اغلبنا بيربط الدايت بوزنه بس وانه نزل علي الميزان او منزلش وممكن بسبب كده يحس باليائس ويوقف الدايت

لكن لو ربطتى الموضوع بصحتك وان فوايد الدايت تتعدي وزنك وانها هتفرق في حياتك كلها الموضوع هيختلف معاكى 360 درجه

لان سواء وزنك نزل ولا ثابت ولا حتي زاد شويه انت بتحمي نفسك من اغلب امراض العصر زي السكر والضغط والكولسترول الخ

رابعا : لازم اهدافك تكون واقعيه

اغلبنا بيحط اهداف غير واقعيه خصوصا علي مستوي الوقت يعني تلاقي واحدة طول عمرها بتاكل وتتتخن بس لما تقرر تخس عاوزة تخس في شهر بكتير

.لانها معتقدة هتخس في شهر وترجع بقي تاكل براحتها تاني . وفي الاخر بتفضلى طالعة نازلة وعمرك ما توصلى لهدفك بشكل ده .

لكن لو حطتى هدف واقعي زي مثلا انك تنزلى وزنك ف 6 شهور او سنه هتبقي راضية دايما بنتيجه ومع الوقت هيتحقق هدفك

نفترض شخص بينزل شهريا 3 كيلو فقط . ممكن انتى شايفاه رقم صغير

لكن بعد 3 شهور هتلاقيهم 9 كيلو وبعد 6 شهور هتلاقيهم 18 كيلو . ساعتها هتحسى بفرق شاسع في حياتك وصحتك .

خامسا واخيرا : لازم تقتنعى ان الدايت مش تقليل الاكل

الدايت يعنى تقليل سعرات معني طبق الرز الي انت بتاكله بسمنه كتير او زيت كتير فيه يجي 2000 سعر لما تطبخه بمعلقه واحده زيت هيبقي 600 او 500 سعر فكده وفرت سعرات كتير وممكن تكون الكميه مختلفتش كتير

 . طبق الخضار الي اطبخ بسمن كتير لما تطبخ بمعلقه واحده هتقل سعراتها برضو🥘🥗 . فمثلا وجبه الغدا الي كانت

3000 سعر . بقيت 800 سعر والكميه هي هي . يعني هتلاقي نفسك بتاكلى وتشبعى وتخسى