ازاى اخس و انا نايمة بدون ريجيم و لا حرمان

ازاى اخس و انا نايمة بدون ريجيم ولا حرمان

اولا الدهون بتتحرق و أنت نايم و هنقولك علي 10 حاجات لا زم تعرفها عن حرق الدهون أثناء النوم

1- لما بتنام بشكل كافي هرمون الشبع بيتم إفرازه بشكل كبير و بالتالي بتحس بالشبع و مبتجوعش بسهولة و لو منمتش كويس هرمون الجوع بيزيد في جسمك 2- لو أنت سهران و لقيت نفسك رايح للتلاجة بشكل غير إرادي كده و بتدور على أي حاجه مسكرة،

لازم تعرف إن ده بسبب قلة النوم و الوجبات السريعة اللي بتاخدها بالليل دي إنك كده بتزود الوزن

3- في حاجه اسمها معدل التمثيل الغذائي حاجه زي حرق السعرات كده و دي بتحصل و أنت نايم بشكل كافي طبعا لو قللت النوم العملية دي بيحصلها اضطراب و بالتالي بتقلل السعرات اللي بتتحرق

4- قلة النوم برضه بتخلي الجسم يخزن الدهون و ييحتفظ بيها عشان كده الرياضيين بينصحوا إنك تنام من 6 الي 8 ساعات

5- زي ما في هرمون للجوع و الشبع في هرمون التعب و الإجهاد اسمه كورتيزول

.. اسمه كده، و ده بيخليك تحس بالجوع و يخلي الدهون تتراكم في البطن 6- في كمان هرمون اسمه الميلاتونين ده اللي بينظم النوم و الصحيان حاول تنام في الضلمة عشان تنام بشكل صحي و الهرمون يتفرز بشكل كافي

7- الناس اللي بتنام على أضواء الموبايل أو اللاب ..

الحاجات دي بتشع حاجة اسمها الضوء الأزرق و ده بيحسسك بالأرق و بيقلل هرمون الميلاتونين اللي في النقطة اللي فاتت

8- زي ما قولنا أفضل معدل للنوم هو إنك تنام من 6 الي 8 ساعات يوميا عشان برضه الإفراط في النوم ليه أضراره .. الإعتدال دايما كويس

9- كمان الأطفال لو مناموش كويس هيحسوا بضعف جسدي و وزنهم هيزيد، لازم نخلي بالنا 10- متحاولش تنام بمنوم، النوم الصحي أحسن و هو اللي هيفيد جسمك و حاول دايما تبعد عن أي مصدر للإزعاج قبل النوم .

موضوعات ذات صلة خمس طرق فعالة جدا للتخلص من ملل الدايت